zazakikozmos  
SERPELE
EDİTORİRA
LİNKİ
E-MAİL
zazaki zazaca zazalar
zazaca, zaza, zazalar, zazaki, dersim, tunceli, varto, munzur, akp, chp, mhp, dtp, diyarbakır, bingöl, siverek, amed, ovacik, hozat, pülümür, varto, hinis, tekman, palu, gerger, gimgim
Nietzsche çı taw çarninore Zazaki?

Ma pêrine virêndiye o ebe "Zerduşti Niya Va" naskerd. Kitavê dêê bini ki zê axwa serdine spiti we.

Filozof û nıvıstoğo Almanıc Friedrich Nietzsche (1844-1900) lomkar û redkarê waxtê xo bi. Nietzsche o tawra hatani ewro, hem ebe emrê xo hemi ki ebe nıvısnaêna xo, zaf amo qesêkerdene. Taê vanê Nietzsche felsefê Awrupa kokera vurnora, taine çımde ki Nietzsche piyê nihilizmiyo. Heqeteni ki Nietzsche qimetanê waxtê xo (ma vajime, şar-dewlete, wendene, avêşiyayêne) red keno. Hona ebe nina ki nêmaneno, taina avê şono; xristiyanêni, medeniyet, rındiye û xırabiye ki qelema dêwa hêrsınera hêsa xo cêna. Nietzsche be xo Almanıc bone ki, kıtav û nıvıstanê xode sat defê şilmaqê erzenore Almanya û şarê Almani. Zafine çımde, felsefê Nietzschey bêhemd têmyakewto. Caê çiyê vano, caêde binde a vatena xo ebe xo red keno. Caêde vano gere medeniyetê Awrupa avê şoro, caêde binde medeniyeti kokera red keno. Xora rındekiya Nietzscheyi ki itadera; Nietzsche qet çiyê ya ki kesi verde vıleçewt niyo; serbest, sevinala nıvısneno, kesira çıma nêkuno. Zê filozofanê bina huşk nênıvısneno, ebe zonê de xemelyaye nıvısneno. Raçarnoğê de hewl ke Nietzschey raçarno Zazaki, karê de zaf qimetli keno. Tı vajê mara kam kuno bınê nê barê gırani?
Nietzschera dirê aforizmay

* Telqa ke mı nêkişena, mı kena qewetli.

* Her roja ke ez nêreqesi, emrê xora kemi saykena.

* Eke çiyê tûyê cıkerdene bıbo, sed cêvê jû roje esto.

* Raştiye zê çênekê de rındeka, herkes kunore dıme; nêzanê ke na çêneka rındeke rojê bena cênıkê de extiyara keftare.

* Cara verva vay tû meke.

* Ma çıqa berz bime, êê ke fırdaêne nêzanê, dina çımde hondê qışkek aseme.

* İnsan şonore dare, çıqa ke avaro çıqa ke verva roşti beno berz, hondêki avarde verva bınê hardi, verva tari, verva xırabiye xori kok dano.

* Heqa ke tı bı xo şikina bıjêrê, mevırde keso bin bıdo to.

* Kamo ke torcara heskeno, gere perê xo bıbê.

* Rındiya merdene awa ke, dolımêna merdene çina.

* Zaf xo memosne, derzêniyê de qışkeke to teqnena.


Nietzsche verdera nêweş bi, nêweşiya frengi guretibi. Axriya emrê xode nêweşiya xo zaf bibi gıran; des seri qet qesênêkerd. Hatani merdene waa dê Elisabeth Förstere qaytê cı kerd.

© Zazaki Kozmos 2009

Google Analytics Alternative