zazakikozmos  
SERPELE
EDİTORİRA
LİNKİ
E-MAİL
zazaki zazaca zazalar
zazaca, zaza, zazalar, zazaki, dersim, tunceli, varto, munzur, akp, chp, mhp, dtp, diyarbakır, bingöl, siverek, amed, ovacik, hozat, pülümür, varto, hinis, tekman, palu, gerger, gimgim
Bazarde kıle varena:
Kiloê kartola bi 1 TL

Hatani nıka kartoli û piyazi werdena feqira bi. Çûyalê kartola û çûyalêde piyaza insan vêyşanênira şeveknênê. Feqet êndi ê ki ma dest şi. Çıke kiloê kartola biyo 1 TL.

Kartoli verdera werdena çêanê feqira bi. Hem erzan bi, her ca amênê diyayene; hemi ki kewtêne zerê her zadi. Çêde çı pojena poje, bê kartola nêbeno. Çûyalêde kartola û çûyalêde piyaza insan vêyşanênira şeveknênê.

Feqet kartoli êndi sıfrê feqirara kunê dûri. Çıke sere be sere kartoli benê fiyetli. Nê roja taê bazarade kiloê kartola biyo 1 TL, taê caanê binade ki, xusisi ki tağanê dewletiyade kiloê kartola vêrdo 1 TLra. Êê ke hatani nıka ebe çûyala kartoli gurêtênê, êê ke bazarara jû dolımde 4-5 kiloy kartoli piya gurêtênê, êndi kiloê-dı kiloara cor nêşkinê bıjêrê.

Kartolê hormonıni erzan bi, hema niyamêne werdene

Naera dirê seri avê, kiloê kartola bınê nêm TLde bi. Feqet o tawıki qalê kartolanê hormonına biyênê. Vatênê hêgaade bêhemd hormon dino kartola ke wa koka xo zaf bıjêro. Waxto ke qalê hormoni û kartola veyiya, rotişê kartola zaf bibi kemi. Taê welatade kartoli tewr hêgaara niyamêbi arêdaêne, taê caedeki kartolê ke seba rotişi erziyabi pêser, pêro poyabi, amêbi êştene. Feqet, qalê kartolanê hormonına ke bıriya, fiyetê kartola ki tafte vaştra.

Gorê vatena, Tırkiyade serede 4 milon toni kartoli vejinê. Nêmêde nina Nevşehir û Niğdede êno ramıtene. Reçberê ke kartola ramenê, gerû gazinê dina ki nêxelesinê; vanê tûcari kartola hêgaade zaf erzan herinenê, sero serêni ki peranê reçbera zaf herê danê. Seba naera ki, nêtê reçberanê kartola esto ke, êndi hurêndiya kartolade çiyêde bin bıramê.

 




Vırêndiya nêweşiya ebe tar werdene bıjêrê!

Tıxtori û diyetisyeni heroj heroj tar werdene salıx danê. Çıqa ke tam û lezetê tari zê waxtê veri nêbone ki, axri onciya gorê weranê bina, tar taina şenık zerar dano insani. Taro kal, gorê tarê poti taina rındo. Tar hona ke niyamo werdene gere rınd bêro şûtene, taro nêşûte nêweşiya keno têra. Çawo ke tar êno potene ki, gere zaf nêpojiyo, taê kal bımano. Potena bêhemde vitaminanê tara kena şenık.

© Zazaki Kozmos 2009

Google Analytics Alternative