 |
BARAN |
Na roja tı zaf hêrsına. Êê ke tora heskenê, tı ina zaf dajnena. Niya nêbeno, gere tı nê hêrsê xo cavırdê. O taw wertê to û herkesi beno rınd. Sera newiyede thalê to rınd aseno. Derheqê weşiyede taê qısaweti vejinê, feqet rew vêrenêra. Dormê tode insanê esto, cat keno ke verba to bêro, hema rae hona derga. |
|
 |
TEREZUN |
Torê xeberê xêri estê. Vırêndiye kar û gurêra qezencêde gırs kunore to dest. Peyjo derheqê zeride tı jû mijdani cêna; piyayê zerya xo kerda to, na roja tora vano. To êndi rojê tengi pêyde vırdê, tı kewta hiratiye. Hêni bıke ke ê rojê xırabi dolımêna wa peyde nirê. Qezencê xora çiyê pera bıde feqiranê dormê xo. |
|
 |
BOĞE |
Dormê tode çımê herkesi to seroro. Taê tora zaf heskenê, tae ki tode zaf qarinê, eke dina destra bêro to jû khoçıki axwede xeneqnenê. Hayre xo vınde. Tı kar û gurê xode rınd avê şiya, feqet çê xora zaf kewta dûri. Çêde taina zaf waxt raviyarne. Gegane ki şo nas û dostanê xo bıvine. Tı nêweşiyêde qışkeke viyarnenara. |
|
 |
DIMPISTIKE |
To zaf kilo gurêto, tı zaf biya xurte. No ki moralê to zaf xerepneno. Tı şaş biya menda, nezana ke sebkerê. Gamê avê kilo warode, şo sipor, bıfeteliye, vazde, werdena xo ki taê kemi ke, şandana herê non mewe. Dıdanê to rınd niyasenê, şo tıxtorê dıdana. Hetê perara tı rında, xorê thamakarêni meke. |
|
 |
HEVALCEWİ |
Tı zaf caê xode menda, taê xo newe ke, şo qursê çiyê bımıse, xorê hevalanê newiya bıvine. Taê çêra vêjiye. Raa to rakerde asena. Tı na roja sılayiyê caê bena, uja piyaê vinena. Wertê şımade çiyê beno. Feqet axriya şıma hondê rınd niyasena. Onciya ki zaf meterse, çiyo hêni xırab çino, xo taê bışevekne beso. |
|
 |
KHEVAN |
To herçi ser û bın kerdo. To goşre ma û piyê xo nêda, tı kewta bınê dêynanê gırana. Êma nıka sebeno, kam nê deyna se keno safi. Hona ke rewo, na raera racêre. Caê karê xo qapatke, xorê karo maaşın bıvine. Her aşmede nêmêde maaşa xo bıde dêyna, ebe nêmo bini ki çê xo weyiye ke, hatani ke to dêyni xelesnay. |
|
 |
ÇARPENCIKE |
Çiyêde tûyo dızdiya na roja beno eşkera. Piyaêde henên keno eşkera ke, to o pia qe texmin nêkerdêne. Êndi her çirê zaf herewo, tı nêşkina inkar kerê. Tı gere mejbur qebul kerê. Dirê roji çêra mevejiye, hatani ke tae biye sûkutiye. Pêyjo pıra pıra şo wertê hevalanê xo. Kes to canêvırdano, tı na telqe rew viyarnenara. |
|
 |
BIZÊK |
Roje roja tûya. Thalê to her cade rakerde aseno. Kar û gurê to rındek raera şono, caêra gumra perê kunê to dest. Têyna biyayêna to ki êndi xelesina. Piyaê verba to êno, dirê rojê bini tı ê vinena, tı ki verba dê şona. Feqet zaf teqeze meke, gıran gıran şo. Vırêndiye taê nasbıke. Eke pê qayil biya hona qelbê xo cırê rake. |
|
 |
ŞÊR |
Tı na roja raştê nasê de xûyê khani bena. Şıma çand seriyo jûbinira mıradayiş bi, êndi şıma ênê werê. No naso khan vırêndiya tode rêçê de newiye keno ra. Meterse, na raero şo, tı resena rojanê rındeka. Eke tora êno mordem û hevalanê xo ki xode bere, ina ki raxelesne. Waxtê de nezdide tı bena wayirê herçi. |
|
 |
KULENGE |
Tı herçi xorê kena qısawete. Herçide şûfê vinena. Tı êndi qe çiyêra zewq nêcêna. Êndi waxt amo; xo roşane, na nûspetiyera vêjiye, cêra hatani cor xo newe ke. Xorê kıncanê rındeka bıjê, şo taê bıfeteliye, bina xo bıjê. O çağ tı be xo halê xo taina rınd vinena. Xo vira meke, tı ke nêwazê, kes nêşkino torê çiyê bıkero. |
|
 |
FİRIG |
Herkes tora zaf heskeno, feqet tı qimetê heskerdene nêzana. Tı quretêni kena, riyê kesiro toreli niya nêdana. Çıke na xêlê waxto tı têyna nêmenda. Feqet na xûya to herkesi tora remnena, pêyniyede to tık û têyna vırdana. Tae qimet bıde insananê dormê xo, kesi xora memıradne. Dejê qelbê to biyo zêde, herê mekuye şo tıxtor. |
|
 |
MOSE |
Domantênya to na roja zaf êna to viri. Nafa ki ebe şewe tı hewnê xode vinena. Coka tı wazena ke şodır hatani şan hewnde bımanê. Feqet no çiyê de rınd niyo; hêni aseno ke tı verba depresyoni şona. Tı sebıkerê ki rojê şiyayê dolımêna pêyde ninê, bilasebe xorê derd meke. Eke tı çımanê xo rakerê, rındiya ewroyi ki vinena. |
|
