Esker caê xo pıra pıra mıseno
Nê hondê ewraqê ke têdıme vêjinê,
nê hondê dawê ke benê ra, çiyê anêre zon;
Tırkiya'de caê eskeri êndi vurino,
gıraniya eskeri bena şenıke,
esker pıra pıra wertê
siyasetira vejino. |
|
Nê seranê pêênade wertê hokmati û eskeri hêç ke şono hondê beno gurızın. Roje çina ke wertê esker û hokmatide meselê kar nêkuyo. Hokmatê AKP seke ame ser, eskeri ki delıngê xo şemarnaywe ke nê hokmati dêmdo, ya ki, qe nêbi, taê derheqade vırêndiyere cı bıjêro. Turkiyade gulaşa hokmata û eskeri çiyêde teze niyo. Xora Tırkiya verdera niyanêne biye. Herkes nae eşkera vano; "Tırkiyade sermiyan hokmat niyo, sermiyano raştên eskero." Nêzdiyê heştaê sera ke Turkiya ebe na qeyde idare biyênê. Çiyo ke esto, nê seranê pêênade esker pıra pıra qewetera kuno. Çıke dınya pêro piya êndi vurina û vaê nê vurnayişi şaneno Tırkiya ki. Êndi Tırkiya nêşkina zê veri dınyara dûri vındero.
Çıqa ke gorê qanuna esker bınê fermanê Serweziride bone ki, Tırkiyade eskeri hatani nıka xo wayirê herçi saykerdênê. Eskeri ke kêy qalê wezifê xo kerdênê, vatê ke "Esker pawançiyê cumhuriyet û laiqiyo." Feqet roja ewroênede êndi kes na pawançitêni eskerirê nêvırdano. Êndi herca eşkera êno vatene ke wa esker destê xo siyasetra bonco, racêrore esas wezifê xo ser, yanê eskerêni bıkero. No vaê vurnayişiyo ke ma qalê cı keme, waxtê hokmatê AKP de cêrare puk. Raşta heqi, bi pukêde henênke, tarıxê Tırkiyade hatani nıka çiyêde niyanên niyamêbi diyaêne.
|
 |
 |
Verê coy hokmati nêşkiyênê ke ifadê jû cendırmi bıjêrê; ewro orgenerali ênê guretene, oncinê mehkema û erzinê hepıs. Verê coy, eskeri ke qesêkerdêne herkes caê xode recefiyênê, ewro esker ke çiyê vano, hokmat hetêra qezetê ki heto binra dest kenê belıka eskeri. |
|
Hokmatê verêni nêşkiyênê ke ifade jû cendirmi bıjêrê; ewro orgenerali ênê guretene, oncinê mehkema û ênê hepıskerdene. Verê coy, eskeri ke qesêkerdêne herkes caê xode recefiyênê, ewro esker ke çiyê vaoa, hokmat hetêra qezetê ki heto binra dest kenê belıka eskeri. Welhasıl esker êndi zê waxtê veri nêşkino astorê xo sevinala bıvazno. Hêni aseno ke esker pıra pıra verba qışlanê xo oncino, bêzeri oncino, feqet axriyede oncino... Hama gere insan naera niro xapıtene. Ebe mı, no pakaê wertê dı pukano. Hona rınd nermayiye nêbiya. Yanê her çıqa ke esker taê qewetera kewto ki, hona tesirê xûyo zêde cade vındetiyo. Hona qezetê, televizyoni, siyasetkerdoğ û zaferiyê bûroqrasi hetê eskeriderê. Taêde nina tersenê coka hetê eskeri cênê, taêde xo ki seba gujılê xora hetê eskeri nêvırdanêra. Nê niyanêni wazenê ke Tırkiyade çiyê nêvuriyo, wa bazırganê dinaê gujıli nêxerepiyo. Seba naeraki, nê wayirê gujıla hatani roja pêêne boçıkê eskerira nêvısinê.
Esker ke siyasetra onciya, siyaseti ki êndi zê veri nêmaneno; nê partiye ke eskerira zaferi eskerêni kenê, nê siyasetkerdoğê ke gegane generalara taina tûj qesêkenê, o taw bılêta nina pêrine ki bırina. O taw siyaseti ki caê xo cêno. |
|
 |
 |
|
Çı taw ke esker heqeten kewt bınê hukmê siyaseti hona o çağ nê ênêre xo. Esker ke siyasetra onciya, siyaseti ki zê veri nêmaneno; nê partiyê ke eskerira zaferi eskerêni kenê, nê siyasetkerdoğê ke gegane generalara taina tûj qesêkenê, o taw bılêta nina ki bırina... Hêni aseno ke, pêyniya gulaşa wertê hokmat û eskeri ebe axriya Dawa Ergenekoni kıfş bena. Eke hokmat bışkiyo na dawa toreli bero sere, o çağ kerdenê eskeri jû be jû benê eşkera û êê ke nê kerdenade şujê xo esto, ceza xo vinenê. Çiyêde niyanêni ki eskeri verde qewata hokmati keno zêde û esker o taw mejburêni ra beno tabiyê hokmati. Feqet eke hokmat, dawa sıst bıjêro ya ki bıterso ya ki ebe nêrğe û bazarkerdene eskeride têsare kero, hokmat ebe destê xo kape erzeno gula xo! Ma tı vajê kamjiye bena? Goro ke hatani nıka aseno, no hokmat zê hokmatanê bina eskeri verde hondê vıleçewt niyo. Hokmati dirê dolımi çare şanare çarê eskeri; waxtê 27ê nisanede ki hokmati jihati qesêkerd. Feqet onciya ki kıfş nêbeno. Çıke na politiqawa... Çep û raştê politiqa kıfş nêbeno! Gujıli ke amêy tê kaleke herçi beno...
|
